Con 25 anos e 1,91 m., procede do Bayern Munich
O Río Breogán e o base internacional esloveno Zan Mark Sisko (Liubliana, Eslovenia, 29 de xuño de 1997) chegaron a un acordo para que o xogador forme parte do equipo celeste na tempada 2023/24.
Sisko é un base director de 1,91m. con bo físico, talento e gran capacidade de pase que conta con experiencia en Euroliga onde xogou co Bayern as tres ultimas tempadas.
O internacional esloveno comezou a súa carreira no seu país co Union Olimpija Ljubljana e o LTF Castings Skofja Loka. Antes de chegar ao Bayern en 2019 pasou por Cibona de Zagreb croata, o Irilija Ljubljana e o SIXT Primorska Koper esloveno co que gañou liga e Copa en Eslovenia en 2019.
En 2021 logrou a Copa de Alemaña co Bayern.
