O Cafés Candelas Breogán – Tenyconta Zaragoza dedicarase á difusión do labor de Cruz Vermella
O club avanza na súa implicación social da man de Deputación de Lugo e de institucións como Cruz Vermella Española
O presidente de Cruz Vermella Lugo, Luís Abelleira, os Deputados Provinciais Sonsoles López e Pablo Rivera e o Director Deportivo do CB Breogán Quique Fraga, presentaron a iniciativa solidaria mediante a cal se dedicará a semana previa e o partido do Cafés Candea Breogán ante Tecnyconta Zaragoza a difundir o extenso labor de Cruz Vermella baseándose na importancia do voluntariado.
Ademais, o luns 19 de novembro tres xogadores do Breogán - Lucio Redivo, Ricardo Úriz e Romaric Belemene- participarán nun taller promovido por Cruz Vermella sobre a integración sociolaboral de persoas de diferentes nacionalidades.
Luís Abelleira Agradeceu o compromiso de Deputación de Lugo e Breogán. A Deputada Sonsoles López destacou a importancia da vertente social do patrocinio deportivo da Deputación co Breogán, e Quique Fraga agradeceu que se conte co club para as actividades
Os asistentes ó partido entre @CBBreogan e Tecnyconta Zaragoza coñecerán de primeira man o labor que realiza a Cruz Vermella en Lugo. ?? pic.twitter.com/GJ9Ssf3C5E
— FUNDACION TIC (@fundaciontic) November 14, 2018
A actividade enmárcase no contrato de patrocinio da Deputación de Lugo co C.B. Breogán que contempla a colaboración coas entidades que traballan polos valores sociais.
