Seareiros do Miño: Xornada de afeccións celeste e albivermella o venres no Pazo
Os abonados de CD Lugo e os do Cafés Candelas Breogán poderán retirar unha entrada a prezo reducido de 5€ para o encontro do vindeiro venres no Pazo que enfrontará a Breogán con Marín Peixe Galego (20:45 horas).
A boa relación entre dous dos clubs máis representativos do deporte galego e, por suposto lucense, leva inevitablemente a puntos de encontro pensando nas afeccións. Este venres será unha boa oportunidade para sacarlle partido ao compromiso adquirido cos clubs pola compra do abono. Un compromiso que premiamos coa oportunidade de facerse cunha entrada para un derbi a prezo reducido.
As entradas venderanse a partires do mércores en puntos de venda e horario que detallaremos nas próximas horas.
Somos moi de Lugo… somos «Seareiros do Miño».