Polite e Sergi García evolucionan ben e acurtan prazos. O lucense Adrián Chapela colabora nos adestramentos
Anthony Polite, recuperándose da súa lesión en aductor, iniciou o traballo en pista de forma individualizada e está previsto que se incorpore progresivamente ao traballo co grupo nos próximos días.
Sergi García tamén evoluciona favorablemente da súa lesión e podería reiniciar o traballo en pista ao longo da semana próxima.
O último en chegar, Conner Frankamp, sumou horas de adestramento durante os últimos días, tanto de forma individual como co equipo, para optimizar a súa adaptación. A acumulación de partidos desde a súa chegada fora un obstáculo ara o traballo regular de preparación.
Toni Nakic avanza tamén na súa recuperación con traballo intensivo con fisioterapeuta e preparador físico para reducir no posible os prazos para o seu regreso.
O lucense Adrián Chapela incorporouse aos adestramentos co equipo par sumar efectivos no traballo diario á espera de recuperar aos xogadores que aínda non traballan co grupo.