Juan Carlos Navarro recibiu a homenaxe dun Pazo en pé
Un dos mellores xogadores de baloncesto de sempre pisou o parqué do Pazo dos Deportes onde noutros tempos fixo sufrir como rivais aos milleiros de afeccionados que, nesta ocasión, déronlle a mellor das ovacións.
A orixe familiar de Juan Carlos Navarro na provincia de Lugo (Pole e Meira) e os numerosos amigos que conserva en Lugo onde pasa parte das súas vacacións dende sempre, sumado ao que significa como lenda do baloncesto, foron causas máis que suficientes para un recoñecemento en pé dos amantes da canastra en Lugo.
O presidente do CB Breogán entregou en nome do breoganismo unha camiseta celeste reprodución cerámica da Mosquera (a coñecida torre arcada da Murala Romana de Lugo) sobre unha base de madeira na que se podéri ler: “grazas polo teu BALONCESTO”.
A peza ten o valor engadido de ser elaborada artesanalmente polo persoal de ASPNAIS.
O aplauso atronador do Pazo foi, ademais dunha merecida homenaxe, unha demostración do amor polo deporte da canastra do que Juan Carlos Navarro foi, é e será sempre, un embaixador de luxo.
La leyenda Navarro, ¡homenajeado por el @CBBreogan en Lugo!#LigaEndesa
— Liga Endesa (@ACBCOM) April 7, 2019
? @MovistarPlus pic.twitter.com/44Ot04PhHm
Juan Carlos Navarro foi homenaxeado no Pazo. Recibiu unha camiseta celeste e unha peza de artesanía elaborada polos amigos de @ASPNAIS cunha reproducción da torre da Mosquera da Muralla de Lugo e un agradecemento polo seu BALONCESTO. #LENDA #leyenda pic.twitter.com/5WxHdokxdV
— Cafés Candelas Breogán (@CBBreogan) April 7, 2019